وفیات
حضرت مولانا محمد اسلم قاسمیؒ کا سانحۂ
ارتحال
از:
مولانا محمد اللہ قاسمی
شعبۂ
انٹرنیٹ، دارالعلوم دیوبند
دیوبندمیں
۱۳؍ نومبر دوشنبہ کو صاحبزادئہ حکیم الاسلام، حضرت مولانا
محمد اسلم قاسمی صاحب طویل علالت کے بعد رحلت فرماگئے إنا للّٰہ
وإنا إلیہ راجعون۔
حضرت مولانا مرحوم دارالعلوم وقف دیوبند کے ناظم تعلیمات ، صدر
المدرسین اور استاذ حدیث تھے۔ تقریباً اسی سال کی
عمر پائی ۔ بعد نماز عشاء احاطۂ مولسری میں علماء
و طلبہ کے ایک جم غفیر نے نماز جنازہ ادا کی اور مزار قاسمی
میں اکابر کے پہلو میں دفن کیے گئے۔ مولانا کے انتقال سے
دیوبند اور خانوادۂ قاسمی کے متعلقین میں رنج وغم
کی لہردوڑ گئی۔
اس
موقع پر مہتمم دارالعلوم حضرت مولانا مفتی ابوالقاسم صاحب نعمانی نے
حضرت مولانا محمد اسلم صاحب قاسمی رحمۃ اللہ علیہ کے جملہ
صاحبزادگان، پسماندگان ومتعلقین خصوصاً حضرت مولانا مرحوم کے برادراکبر خطیب
الاسلام حضرت مولانا محمد سالم صاحب قاسمی دامت برکاتہم صدرمہتمم دارالعلوم
وقف کی خدمات میں تعزیت مسنونہ پیش کی ۔ حضرت
مہتمم صاحب نے فرمایا کہ قحط الرجال کے اس دور میں اہم شخصیات
کا ایک ایک کرکے رخصت ہونا ملت کا بہت بڑاخسارہ ہے۔
حضرت مولانا مرحوم حضرت حجۃ الاسلام
مولانا محمد قاسم صاحب نانوتویؒ کے علمی خانوادہ اور براہ راست
حکیم الاسلام حضرت مولانا قاری محمد طیب صاحبؒ کی
اولاد میں سے ہونے کے ساتھ ذاتی طور پر بھی ایک نمایاں
علمی شخصیت کے حامل تھے۔ دارالعلوم دیوبند میں بھی
طویل عرصہ تک انتظامی خدمات سے وابستہ رہے اور پھر بعد میں
دارالعلوم وقف میں تدریسی خدمات سے وابستہ ہوکر استاذ حدیث
اور صدرالمدرسین کے منصب تک پہنچے، حضرت مولانا وعظ وخطابت کے میدان میں
ایک پختہ کار، سنجیدہ اور باوقارخطیب کی حیثیت
سے بھی معروف و مشہور ہوئے۔تحریری خدمات میں سیرت
حلبیہ کا مکمل ترجمہ اور سیرت پراردو میں ایک آسان
کتاب مشہور وممتاز ہیں۔
اللہ
تعالیٰ حضرت مولانا مرحوم کی حسنات کو قبول فرمائے، ان کے ساتھ
خصوصی عفوودرگذر اور رحمت ومغفرت کا معاملہ فرمائے۔
* * *
------------------------------------------------
ماہنامہ دارالعلوم،
شمارہ: 12، جلد:101، ربیع الاول
–ربیع الثانی 1439ہجری مطابق دسمبر 2017ء